ອີຢູ-ຈີນ ເຫັນດີເພີ່ມທະວີ ການຮ່ວມມືແບບຫຼາຍຂົ້ວ
ຕາມຂ່າວສານຊິນຮວາລາຍງານວັນທີ 25 ມິຖຸນາ ນີ້ວ່າ: ເມື່ອວັນທີ 22 ມິຖຸນາ ຜ່ານມາ, ທ່ານ ຊາເລສ ມິເຊວ ປະທານສະພາເອີຣົບ ໄດ້ພົບປະກັບທ່ານ ຫຼີຊຽງ ນາຍົກລັດຖະມົນຕີຈີນ ຢູ່ນອກກອງປະຊຸມສຸດຍອດ ກ່ຽວກັບສົນທິສັນຍາການເງິນທົ່ວໂລກສະບັບໃໝ່ ເຊິ່ງດຳເນີນໃນວັນທີ 22-23 ມິຖຸນາ ຢູ່ ນະ ຄອນຫລວງປາຣີ ປະເທດຝຣັ່ງ, ໂດຍມີການນຳຂັ້ນສູງຕ່າງປະເທດ 100 ທ່ານ, ໃນນັ້ນ ມີປະມຸກລັດ 40 ທ່ານເຂົ້າຮ່ວມ. ທ່ານ ຫຼີຊຽງ ເນັ້ນໜັກວ່າ: ຈີນ ແລະ ສະຫະພາບເອີຣົບ ຄວນເພີ່ມທະວີຄວາມເຊື່ອໝັ້ນເຊິ່ງ ກັນ ແລະ ກັນ ແລະ ແກ້ໄຂຄວາມວິຕົກກັງວົນຜ່ານການຮ່ວມມືຢ່າງສຳເລັດຜົນ. ຈີນ ຖືວ່າ ບໍ່ມີການປະ ທະກັນກ່ຽວກັບຜົນປະໂຫຍດພື້ນຖານລະຫວ່າງ ຈີນ ແລະ ອີຢູ ພ້ອມທັງຢືນຢັນການຮ່ວມມືທີ່ມີປະໂຫຍດເພື່ອການພັດທະນາຂອງແຕ່ລະປະເທດ ກໍຄືໃນ ຄວາມພະຍາຍາມລວມ ເພື່ອແນໃສ່ຮັບມືກັບສິ່ງທ້າທາຍທົ່ວໂລກ ແລະ ກໍ່ສ້າງໂລກຫຼາຍຂົ້ວ. ສອງຝ່າຍຄວນຊຸກຍູ້ການຮ່ວມມືສອງຝ່າຍໃນຂົງເຂດສີຂຽວ,ເສດ ຖະກິດ, ບັນດາຂົງເຂດການຄ້າ ແລະ ດິຈີຕອນ. ທ່ານ ຊາເລສ ມິເຊວ ໃຫ້ຮູ້ວ່າ: ສະຫະພາບເອີຣົບພ້ອມແລ້ວ ທີ່ຈະເພີ່ມທະວີການຕິດຕໍ່ພົວພັນ ແລະ ແລກ ປ່ຽນກັບການນຳຈີນ ເພື່ອແນໃສ່ຊຸກຍູ້ການພົວພັນ ອີຢູ-ຈີນ ເພື່ອພ້ອມກັນພັດທະນາ, ແກ້ໄຂບັນດາບັນຫາທົ່ວໂລກ ກ່ຽວກັບອາກາດ, ສາທາລະນະສຸກ ແລະ ບັນດາຂົງເຂດອື່ນໆ ກໍຄືປະກອບສ່ວນກໍ່ສ້າງໂລກເປີດ ແລະ ຫຼາຍຂົ້ວ.
ແຫຼ່ງທີ່ມາ: ໜັງສືພິມກອງທັບ
ວັນທີ 27/06/2023